Ddydd Gwener 3 Chwefror, dechreuodd y contractwr ar y gwaith o dynnu’r hen reiliau ar y grisiau i lyfrgell y plant ar y llawr cyntaf a gosod rhai newydd – bydd y rhai newydd yn rhai gwydr, cyfoes a fydd yn fwy diogel a byddant yn gwneud y grisiau yn llawer goleuach.
Mae waliau’r ystafell gyfarfod wedi’u gosod, a bydd y waliau gwydr a’r drysau yn cyrraedd cyn bo hir.
Ddydd Mercher, bydd y gwaith preimio yn dechrau cyn paentio’r safle cyfan.
Tra bod y gwaith yn cael ei wneud, mae ein tîm gwych yn dal i gynnig gwasanaeth casglu ac archebu llyfrau o Festri Capel Salem. Gallwch bori detholiad o bob math o lyfrau, cael cymorth â thechnoleg ar gyfer eich dyfeisiau eich hun, a chael ychydig o waith argraffu a ffotocopïo A4 du a gwyn wedi’i wneud.
Mae’r tîm yn cynnal llyfrgell dros dro o Ysgol Gynradd Pencoed ar ddiwedd y diwrnod ysgol bob dydd Llun, ac mae ein sesiynau bownsio a rhigwm, amser stori a chrefft a’r prynhawniau crefft i oedolion yn dal i gael eu cynnal felly cysylltwch â ni neu dilynwch ni ar-lein i gael y manylion.
Mae gennym gyfle i grŵp darllen newydd a grwpiau diddordeb cymunedol eraill ffurfio a defnyddio ein hystafell gyfarfod gymunedol.
Os oes gennych ddiddordeb mewn dechrau neu fod yn rhan o Grŵp Darllen, grŵp sgwrsio Cymraeg, neu os oes gennych syniad ar gyfer rhywbeth gwahanol cysylltwch â ni ar Facebook neu drwy e-bost – pencoed.library@awen-wales.com
